Leikskólinn Aðalþing

Núna hafa 31 barn hafið aðlögun í Aðalþingi. Formlegri aðlögun verður því lokið fyrir 1. september. Til að geta tekið við öllum börnunum svona fljótt í upphafi skólaárs fá öll nýju börnin úthlutað dvalartíma frá klukkan 9 til 15 daglega. Vonir standa til að fljótlega verði hægt að bregðast við óskum um annan dvalartíma ef slíkar óskir berast.

Sunmarfríi Aðalþings lýkur á miðvikudag, 7. águst klukkan 10. Börn fædd 2020 byrja á nýrri deild, Hrafnaþingi. Aðlögun fyrir öll ný börn hefst þrijudaginn 20. ágúst klukkan 9. Fyrir aðlögun hafa alli foreldrar fengiðð viðtal við deildarstjóra. Fimmtudaginn 15. ágúst klukkan 15:00 er kynningarfundur fyrir nýja foreldra.

Það er margt sem við eigum öll sameiginlegt. Við leitum hamingjunnar saman og stillum okkur inn á að upplifa ævintýrið í hversdeginum. Til þess að geta það þarf að vera jafnvægi milli þeirra grunnþátta sem gera okkur að lífsglöðum manneskjum. Við öndum, sofum, borðum, hreyfum okkur, hugsum, rannsökum og sköpum. Matur getur aldrei verið aukaatriði í lífi okkar. Það er augljóst að gott eldhús og góður matur er forsenda fyrir góðu skólastarfi.

Aðalþing stendur að þróunarverkefninu Stilla - um hæglátt leikskólastarf, ásamt þremur öðrum leikskólum og vísindamönnunum Dr. Önnu Hreinsdóttur við HÍ. Kristínu Dýrfjörð við HA, Dr. Alison Clark, höfund Mósaík nálgunarinnar og bókarinnar Slow knowledge and the unhurried child: time for slow pedagogies in early childhood education og Dr. Kari Carlsen prófessor og sérfræðing í tengslum skráninga og sköpunar frá Noregi.

Að venju hófst aðlögun í Aðalþingi í gær, á þriðjudegi um miðjan ágúst. Aðalþing var fyrsti leikskólinn á Íslandi til að standa að svokallaðri þátttökuaðlögun, sem er form sem meirihluti leikskóla notar núna. Í gær hófu 33 börn skólagöngu í Aðalþingi og á föstudag er aðlögun lokið.

Aðalþing verður opnað eftir sumarfrí um klukkan 10 miðvikudaginn 9. ágúst. Þrjátíu ný börn byrja í skólanum um miðjan ágúst. Foreldrar nýrra barna hafa verið boðaðir á kynningarfund í skólanum á fimmtudaginn 10. ágúst. Samtöl deildarstjóra við foreldra nýrra barna hafa verið skipulögð dagana fram að aðlögun, sem hefst 15. ágúst og lýkur í þeirri viku.