- 6 stk.
- 16.04.2014
Vefur Aðalþings er ekki skipulagður með það í huga að koma á framfæri myndasafni frá starfinu. Foreldrar fá vikulega svokallaðan Helgarpóst frá þingforsetum, þar sem greint er frá því helsta í skólastarfi liðinnar viku og með fylgja oftar en ekki slóðir á glóðvolg myndasöfn. Hvert myndasafn er yfirleitt aðgengilegt í nokkra mánuði og geta foreldrar hlaðið niður myndum til eignar eins og hverjum og einum hentar. Ekki er því sérstök þörf á að koma á framfæri myndum á vef skólans sem er opinn og aðgengilegur hverjum sem er en myndir verða þó settar inn með fréttum og öðru efni þegar það á við eins og tíðkast almennt á góðum fréttamiðlum.
