Gott viðhald

Það er gott viðhald í Aðalþingi. Strax daginn eftir að við fórum í sumarfrí var duglega fólkið frá Kópavogsbæ mætt til að skipta um gólf í fataherbergi á einni deildinni. Eins og þessar myndir bera með sér miðar verkinu vel og er nú að ljúka.

Nú eru sagðar fréttir af slæmu viðhaldi í leikskólum á "höfuðborgarsvæðinu" eins og visir.is orðar það. Þessar fréttir virðast ekki eiga við um öll bæjarfélög á svæðinu. Aðalþingi hefur verið vel sinnt frá því skólinn tók til starfa fyrir einungis 8 árum. Við höfum átt ánægjulegt samstarf við alla iðnaðarmenn bæjarins og eigum ekki vona á öðru en að þannig verði það áfram.

Það er ljóst að það er kominn tími á útileiksvæðið en Kópavogsbær er með metnaðarfulla og skipulagða áætlun um að taka lóðir skólanna í gegn undir nafninu "Skemmtilegri skólalóðir." Við vitum því að það kemur að lóðinni fljótlega.