Fréttir

Uppáhaldsbrauðáleggið okkar úr eldhúsi Aðalþings verður, í kjölfar fjölda áskorana, loksins aðgengilegt fjölskyldum barnanna í Aðalþingi líka. Við ætlum að setja í sölu til reynslu næsta fimmtudag og föstudag, svokallaðan föstudagspakka sem samanstendur af veglegri öskju af Hummusnum hennar Heiðdísar og aðra eins öskju með EldGOSAsultunni. Einungis 1495 krónur settið. Hægt verður að forpanta hér á netinu eða bara ganga frá kaupunum í skólanum þessa daga meðan birgðir endast.

Þann Þriðja júlí hefst sumarfrí í leikskólanum klukkan 12:30 samkvæmt venju í Kópavogi. Við opnum aftur þriðjudaginn eftir verslunarmannahelgi á sama tíma, klukkan 12:30.

Á fyrri árum höfum við boðið jólakræsingar til sölu rétt fyrir jólin. Við höfum notað allan hagnað af sölunni í þróunarstarf í skólanum sent kennara í námsferðir og keypt hina vinsælu iPada fyrir starfið með börnunum. En fyrst og fremst er hér um að ræða tilboð á einstökum afurðum úr frábæru hágæðaeldhúsi Aðalþings. Sælkeramatur fyrir fullorðna og tilvalin viðbót við hátíðarborðið.

Hluti af matarmenningu Aðalþings hefur alla tíð verið samofin hugmyndafræði Slow Food samtakanna sem við erum aðilar að. Þann 10. desember 1989, fyrir 25 árum síðan, voru Slow Food samtökin stofnuð formlega í Bra á Ítalíu. Terra Madre, sem þýðir móðir jörð, hefur verið heitið á samkomu matarsamfélaga víðsvegar í heiminum. Þessi matarsamfélög (food communities), kokkar, smáframleiðendur, ungt fólk, bændur, fiskimenn, fræðimenn og neytendur, halda á lofti matvælaframleiðslu sem fer eftir gildum Slow Food hreyfingarinnar: maturinn á að vera góður, hreinn og sanngjarn – og koma úr héraði. Góður matur er mannréttindi, ekki forréttindi.

Við fáum fjölda gesta, innlenda og erlenda, til okkar í Aðalþing á hverju ári. Stundum senda þeir okkur fallegar kveðjur og stundum skrifa þeir mjög vinsamlega um okkur á samskiptamiðla, í blogg eða fagblöð. Fyrir stuttu voru fjórir kennarar hjá okkur í heimsókn sem voru einstaklega hrifnir. Einn þeirra póstaði til okkar nokkuð upphafna kveðju og annar bloggaði. Þegar skólinn hóf göngu sína fyrir röskum fimm árum, vakti þátttökuaðlögunin mesta athygli. þremur árum síðar var fólk mest forvitið um brautryðjendastarf okkar í upplýsingatækni með iPad og iOS stýrikerfinu. Núna vekur Matstofan, matarmenningin og lýðræðishugsunin mesta undrun og athygli.

Úrræði leikskólans eru ekki mörg ef loftmengun verður mikil og gefin verður út viðvörun vegna mikils magns af brennisteinsdíoxíði í andrúmslofti. Það er mikilvægt að foreldrar séu upplýstir um þetta og séu viðbúnir því að meta sjálfir til hvaða ráðstafana er best að grípa varðandi börnin sín.

Í dag hefja 27 börn aðlögun í Aðalþingi. Við óskum þeim, okkur, foreldrunum og samfélaginu í Kópavogi til hamingju með daginn.

Klukkan 12:30 á morgun, þriðjudag, hefst skólastarf aftur eftir sumarfrí í Aðalþingi.

Við notum Mentor í Aðalþingi. Mentor er nemendaumsjónarkerfi sem er miðlægt á internetinu og tryggir að við eigum aðgang að upplýsingum um börnin og aðstandendur þeirra úr hvaða netttengdri tölvu sem er. Slíkt getur verið mikilvægt ef slys eða óhapp ber að höndum eða ná þarf strax til foreldra.

Þann fjórða júlí hefst sumarfrí í leikskólanum klukkan 12:30 samkvæmt venju í Kópavogi. Við opnum aftur þriðjudaginn eftir verslunarmannahelgi á sama tíma, klukkan 12:30. Elstu börnin koma ekki í leikskólann aftur eftir sumarfrí því nú er boðið upp á nýbreytni í bænum sem eru úrræði í sumardvöl dægradvalar grunnskólanna.