Fréttir

Það gleður okkur að tilkynna að Agnes Gústafsdóttir hefur hafið störf sem aðstoðarleikskólastjóri í leikskólanum Aðalþingi. Agnes er leikskólakennari, með M.ed. gráðu í leikskólakennarafræðum frá háskóla Íslands. 
Hún hefur góða reynslu af leikskólastarfi en hún hóf störf í Heilsuleikskólanum Urðarhóli 2008 og vann síðar í leikskólanum Álfasteini í Hafnarfirði. Agnes tók einnig viðbótarnám í grunnskólakennarafræðum og vann síðast sem umsjónarkennari í Setbergsskóla

Eftirfarandi upplýsingar voru gefnar út frá Kópavogsbæ í dag. Vegna fjölda barna á biðlista eftir leikskóladvöl í Kópavogi verður úthlutað í tvennu lagi. Börn fædd árið 2019 og eldri verða í fyrri úthlutun og fá foreldrar úthlutunarbréf fyrir 1. apríl n.k. Börn fædd á fyrri hluta árs 2020 verða í seinni úthlutun og fá foreldrar úthlutunarbréf fyrir 1. maí. Ekki er fyrirsjáanlegt hversu ung börn fá boð um vistun í seinni úthlutun.

Þann 6. febrúar ár hvert er dagur leikskólans haldinn hátíðlegur í leikskólum landsins. En þann dag árið 1950 stofnuðu frumkvöðlar leikskólakennara fyrstu samtök sín. Af þessu tilefni gefur Aðalþing út stutt myndband um raungreinar og sköpun í leik.

Í haust hefur verið lögð mikil áhersla á að börn með einhver einkenni um veikindi komi ekki í leikskólann. Í kjölfarið sjáum við að bæði börn og starfsfólk er minna frá vegna veikinda af völdum algengra umgangspesta.

Fjölmargir hafa óskað eftir aðgangi að fyrirlestri Aðalþings; Taktu til og farðu að pissa. Í lok nóvember hélt Kennarasamband Íslands málþingið Bara leikur. Málþingið var með fjarfundasniði og vegum Aðalþings héldu kennarar ú skólanum fyrirlesturinn Taktu til og farðu að pissa.

Í stefnu Kópavogs um mál og lestur í leik- og grunnskólum, frá árinu 2016, er stefnt að því að við lok skólaársins 2020 hafi 90%, fimm ára barna öðlast meðal- eða góða færni samkvæmt skimunarprófinu Hljóm-2. Í vor var skimunarprófið Hljóm-2 lagt fyrir 5 ára börn í Aðalþingi,  niðurstöður sýna að 89% barnanna hafi öðlast meðal- eða góða færni samkvæmt prófinu og við höfum því verið við markmið stefnunar öll árin síðan að stefnan var sett.

Leikskólakennarar eða aðrir kennarar með kennsluréttindi: Fullt starf er sex tíma viðvera á deild auk tíu tíma undirbúningstíma á viku sem unnir eru samkvæmt samkomulagi hverju sinni. Nú er aftur opið fyrir umsóknir til 15. nóvember 2020.

Ekki stendur annað til en Aðalþing verði opið eftir páska fyrir þau börn sem ekki eru í sóttkví. Vísum við þar til fyrri tilkynninga um hvaða daga börnin geta komið. Ef kemur til frekari takmarkana á skólastarfi vegna sóttkvía eða smita verða að sjálfsögðu sendar skýrar tilkynningar um það.

Sveitarfélögin á höfuðborgarsvæðinu vinna nú að skipulagningu skólastarfs miðað við ofangreindar ákvarðanir. Þegar hefur verið ákveðið að mánudaginn 16.mars verði skipulagsdagur í grunn- og leikskólum á höfuðborgarsvæðinu til þess að stjórnendur og starfsmenn grunn- og leikskóla geti skipulagt skólastarfið sem best á þessu tímabili sem takmörkunin nær til.

Kópavogsbær annast innritun barna í Aðalþing samkvæmt þjónustusamningi leikskólans við bæinn. Sótt er um leikskóladvöl á vef bæjarins. Aldur barna stýrir forgangsröðun við innritun. Eldri börn fá úthlutað leikskólaplássi á undan þeim sem yngri eru. Lengd biðlista hverju sinni ræður því hversu ung börn hefja leikskólagöngu í Aðalþingi á haustin. Undanfarin ár haf yngstu börnin sem innrituð haf verið í Aðalþing, verið u.þ.b. tveggja ára.